Diabierna atardi na Cas di Cultura Aruba, Departamento di Cultura Aruba a rindi honor na e hoben bailarina Liselotte Van Doorn di 14 aña cu ta pertenece na Kozlov Dance Academy dirigi door di Adriana Kozlov y Leonid Kozlov.
Liselotte recientemente a participa y representa nos pais Aruba den e International Ballet Competition in New York City, na unda el a haya un medaya di brons cu e baile di Ballet: “Lilac Fairy variation” un piesa contemporaneo di luz di luna, crea pa Kozlov.
Honor cu a brinda e oportunidad pa por baila durante di e gala y a ricibi e medaya di brons y cu esaki 3 beca escolar na diferente academia di ballet na Canada, Cleveland, Ohio, Slovenia y Europa.
Prins Bernhard Cultuurfonds a sponsor su biahe y nan ta masha agradecido pa cu e tremendo sosten brinda. Kozlov a haci un excelente trabou pa training y dun’e guia.
El a scoge e variacion perfecto p’e por a balia y briya riba escenario.
Siegfried Dumfries, Director di Departamento di Cultura Aruba y ful staff ta felicita Liselotte, su mayornan y Kozlov Dance Academy p’e tremendo logro aki.
