Un High Tea Party combina cu presencia di autonan clasico di miembronan di Aruba Lions Club a marca e actividad di e comision di Lioness, forma pa casa di e miembronan masculino di Aruba Lions Club. A forma e comision aki antes ora cu no tabatin hende muhe como miembro di Aruba Lions Club, manera awo si ta e caso.
Aiza Magaly Franken ta e prome miembro femenino di Aruba Lions Club, unda cu e tin e funcion di tesorero.
E comision di Lioness semper tabata yuda e club cu otro trabou pa comunidad. Na momento cu e club a habri porta pa e hende muhenan tambe drenta e organisacion, e comision di Lioness a manera un poco inactivo, Franken a conta. Pero e miembronan femenino di Aruba Lions Club a dicidi pa uni cu Lioness-nan riba diadomingo pa organisa e Hight Tea Party, den cuadro di celebracion di Dia Internacional di Hende Muhe. E intencion ta pa sigui cu e evento aki, pa tur hende muhe na Aruba y durante cual ta recauda fondo pa ALC.
Den e evento di diadomingo e miembronan masculino di e club a uni cu nan y a trece tur e damanan den auto clasico, cu a marca inicio di e Hight Tea Party.
Esnan cu kier forma parti di e organisacion, por subi riba e Facebook y website di ALC unda por haya tur informacion.
