Fraccion di MAS a haci diferente pregunta durante e encuentro cu e ministernan Glenbert Croes y Rocco Tjon ora a trata e presupuesto di 2022. Nan ta mira cu falta mas claridad den maneho di integracion y husticia.
Lider di fraccion MAS a haci pregunta na minister Glenbert Croes riba e parti dje maneho di DIMAS. El a haci pregunta riba e diferente decreto ministerial cu el a yega di saca. Pa cuminsa aña pasa tempo el a duna mandato na dos director pareu pa handle DIMAS, despues a bin e periodo cu e no tabata contento y a hala e director un banda.
Consecuentemente el a hala aden e decreto ministerial cu e tabatin prome. Esey a pone cu e parlamentario a haci su preguntanan na e minister, pasobra e decreto cu el a saca e tempo ey tabata algo cu su persona tabata puntra si Departamento di Recurso Humano lo tabata di acuerdo cu e aspectonan poni den e MBnan aki.
E mandatario a skirbi literalmente diferente aspecto cu e eigenlijk ta dicidi cierto cos, pero cu por ehempel Wever lo actua den su nomber. No solamente esey, pero Croes a haci varios declaracion den rueda di prensa cu ora algo pega, pa manda e stuknan p’e y e ta dicidi. Esaki ta completamente contrario na loke minister presidente semper ta bisa den su departamento ta depolitisa, ta saca politica afo, no ta firma.
Na otro palabra, e ta laba man, segun drs. Marisol Lopez-Tromp, Lider di fraccion MAS . E contrario ta uno ta bisa di no mete, di no tuma decision politico supuestamente, kende ta minister presidente. Di otro banda tin minister Croes cu ta bisa e si kier mira tur stuk y e si kier firmanan, e mes ta dicidi. Esaki ta algo cu no ta cuadra.
Un otro pregunta haci tabata dirigi na Tjon riba KPA, su prioridadnan. A haci diferente pregunta cu el a contesta. Un di nan ta riba media raad, cual ta un topico cu a lanta hopi cabes. Den e tempo aki na momento cu gobierno sinti cu cos no ta sosode cu e no ta contento. Of ta bisa cos cu normalmente minister tin caminda di cana por ehempel pa bay corte, gobierno ta core bisa cu nan kier bay media raad. E pensamento di media raad no ta algo nobo, pasobra a trece dilanti varios biaha door di prensa mes. Pero e parlamentario a ripara na algun ocasion caba cu gobierno ta propone esaki, pero miembro di parlamento tambe ta propone awo, pa bin cu ne y con e lo ta.
E parlamentario a indica cu e mester ta algo mas bien independiente, pasobra nan ta sinti cu kier cera boca di cierto hende. Of no kier pa cierto declaracion ta wordo haci y ultimo por mira cu a trece dilanti cu supuestamente prensa a cambia titulo di articulo. El a reacciona riba esaki ya cu e tin hopi aña den politica y kico cu e skirbi, e ta desea cu tur cos ta sali literalmente. Pero esey no ta sosode tur ora, depende dje prensa cu ta descibrie.
Pa mas lesa TREMPAN.COM.
