For di 4:30 di marduga accionnan di Kustwacht riba lama y tambe Polis cu Douane na tera a cuminsa. Esaki despues cu Kustwacht a haya un contacto riba radar di un boto cu tabata yegando tera.
E buskeda na tera no a duna resultado. Kustwacht no a haya e boto tampoco e momento ey. Asina mes kustwacht no a give up y a sigui cu e buskeda. Helicopter tambe a sali marduga pero a bolbe sin logra haya algo. Mainta Kustwacht a topa durante buskeda nuebe homber cu a yega marduga. Nan no a yega tera firne pero a keda te na e isla di Bubi dilanti refineria. Tur ta mustra di ta Venezolano. A detene tur nuebe. 
No a topa droga aunke tabata tin sospecho cu droga tambe a bin. Arma tampoco a haya durante e detencion. Kustwacht a pone tur nuebe riba boto hibanan na e base di Kustwacht na Savaneta. Kustwacht ta sigui traha cu nan ekiponan di radar y boto cu avion pa asina evita entradanan clandestino pa nos isla. Pabien na Kustwacht y henter e team di Polis y Douane cu a traha na tera tambe pa asina mantene e seguridad di nos isla.
