Diamars Kiwanis Palm Beach a lansa un video nobo den un bachi nobo, den nan programa di Childseat.
Segun Jurgen Benschop presidente di comision di Childseat di Kiwanis Palm Beach, a splica cu e programa aki ta data for di 2002, caminda cu ta trahando hunto cu Wit Gele Kruis pa yuda famianan den necesidad, rond di Aruba pa duna nan un Childseat, unda cu por garantisa futuro pa nan yiunan.
Kier a cambia e enfoke un tiki, no solamente door di entrega stoel, pero tambe traha riba e campaña di concientisacion. Ta importante pa comunidad, specialmente mayornan, ta mas consciente di e necesidad pa tin un childseat pa nan yiu den auto.
A lansa un sticker y un video nobo cu a traha, hunto cu Cuerpo Policial, Brandweer, pa yuda concientisa nos comunidad riba e impacto di no usa un childseat den un accidente.
E programa aki a bay pa un temporada riba un low burner y despues na 2009 cuminsando den full speed. Awo nan ta den e proximo generacion.
Ta masha hopi stoel Kiwanis a entrega. Mas of menos 200 stoel a wordo entrega den e ultimo 10 añanan na famianan, hunto cu Wit Gele Kruis. Awe a entrega 16 stoel.
Benshop ta gradici henter comunidad cu ta aporta na Kiwanis su proyectonan. Kiwanis ta un organisacion internacional cu ta traha pa mucha, pero ta basa a base voluntario.
E proyectonan cu nan ta haci na comunidad, manera e tent cu nan tin durante carnaval, e masquerade party, y ta spera cu comunidad por sigui cumpra pa asina nan por genera fondo pa haci tipo di proyectonan asina.
Tambe Benschop ta gradici comunidad, duna danki na e comisionnan cu ta traha cu nan, cu ta miembronan di e club, pero tambe na polis, brandweer, Wit Gele Kruis, Freeway, cu a yuda cu e produccion di e video y tambe Little Kingdom cu ta yuda tur aña cu e childseatnan.
