Dialuna, dia 9 di november, Pfizer a anuncia cu su vacuna contra COVID-19 a mustra un 90% di efectividad, cu a pone cu noticianan riba e eleccion na Merca a pasa pa di dos plano.
Di pronto tin luz na horizonte pa e final di e pandemia; hasta e accionnan di e empresa a crece debi na e crisis di coronavirus, y otronan manera Zoom, a baha.
Mundo henter a papia di e gigante farmacologico y di e resultadonan di su analisisnan di fase 3, e ultimo etapa den e investigacion.
Ningun hende, sin embargo, a papia di Kathrin Jansen, e responsabel di e logro. Aunke e tabata custuma cu su “low profile”, e microbiologo aki di 62 aña, naci na ex Alemania-Oriental ta, en realidad, un persona hopi reconoci den e mundo cientifico: el a dirigi e desaroyo di dos di e vacunanan best-seller di mundo, esun di e virus di papiloma humano (VPH) y esun di neumococo.
Y awo, den front di un ekipo di 650 persona, el a conclui cu exito e investigacion y e creacion di e vacuna contra SARS-CoV-2.
Mikael Dolsten, titular di investigacion y desaroyo na Pfizer, a bisa na Stat cu Jansen ta encarna e urgencia di e empresa “pa caba cu e pandemia espantoso aki.” Y pa un bon parti a haci e tarea aki: mediante yamadanan diario for di su cas di Manhattan, cu Dolsten y cu e ekipo di BioNTech – compania socio di Pfizer den e buskeda di vacuna aki -, el a coordina e pruebanan di cuater candidato potencial y a yega na competi curpa cu curpa cu e otro laboratorionan cu parce a avansa mas lihe, manera Moderna, pero cu no a logra e mesun resultadonan.
“E no lo sacrifica calidad riba velocidad,” William Gruber, un ehecutivo di e laboratorio cu awo lo busca e aprobacion di e vacuna, a splica. “E ta un academico realmente intransigente pa loke ta respecto e desaroyo di vacuna,” Matthew Herper, autor di e articulo a bisa.
Aunke ta ta envolvi un negoshi anual multimiyonario, Jansen a mantene un dominio firme y calmo di e operacion, consciente cu e lo tuma su tempo, y cu e lo ta un record: ningun vacuna a desaroya den menos di cuater aña. A concentra, manera semper, den e datonan. “E ta exactamente e persona cu nos lo kier pa ta den e posicion aki,” Paul Offit, director di e Centro di Educacion riba Vacuna di Hospital di Mucha di Philadelphia, a agrega na Stat.
Jansen a nace na Erfurt y durante henter su infancia el a sufri hopi di infeccion di garganta cu su tata, un ingeniero kimico, sa trata cu antibiotico y codeina, semper na man, na cas. “Bo ta chikito y ta sufri di e tosamentonan violentonan aki y semper a sinti asina malo, y e ora ta dunabo un droga bo ta sinti miho,” el a corda loke por tabata e grado zero di su vocacion.
Vacuna contra coronavirus y su proyectonan nobo
Actualmente Jansen, kende ta titular di e investigacion den vacunanan di Pfizer, ta traha den otro proyectonan, ademas di e version nobo di Prevnar y e bom mundial di vacuna contra SARS-CoV-2 y tur ta dificil. E prome, e virus sincitial respiratorio, e rason principal di hospitalisacion di mucha y dos bacteria resistente na droga, estafilococo dorado – un lucha cu a cuminsa den su añanan inicial na e compania Merck y ainda no a duna resultado – y Clostridioide difficile.
Pero tur e actividadnan normal aki a keda chikito ora cu coronavirus a cuminsa core rond mundo na comienso di 2020. Pfizer, cu tabata paga BioNTech pa su tecnologia di RNA pa trata di crea un tipo nobo di vacuna contra griep, cu lo uza e material genetico na luga di un fragmento di virus, a compronde cu e proyecto principal mester a pasa un banda pa duna luga na otro, cu e mesun hermentnan, pa para e pandemia.
