Prome di november, minister encarga cu finansa a ricibi bishita di Karina Delaney kende a cumpli 25 aña den servicio di Gobierno. Karina a cuminsa su trayectoria den gobierno na Directie Posterijen (Postkantoor N.V.) na aña 1996. Despues di esaki, na aña 1999 el a cuminsa traha na Departamento di Impuesto caminda, te dia di awe e ta traha eynan. Karina, despues di a sigui varios curso, awe ta un controlemedewerker 1 na e departamento aki.
Pa conmemora e ocasion special aki minister encarga cu finansas a presenta Karina cu su decreto gubernamental y tambe cu un aprecio pa e trabounan haci na bienestar di Aruba.
Minister Maduro ta felicita Karina y ta spera di por sigui conta cu hopi aña mas di servicio di Karina.
