Kailen Wouters y Levi Keteldijk a bay competi na Charlotte, na Merca, den competencia di BMX. Nan a logra bon resultado durante nan competencia.
Gregory Wouters, mayor di Kailen Wouters, a expresa cu e experencia tabata hopi dushi. Nan a bay Rock Hill na South Carolina. E pista ta hopi conoci na Merca, pasobra eynan tin competencia mundial. E biaha aki nan a bay p’e Labor Day Nationals y e weekend tabata hopi bon. Kailen Wouters a gana cinco trofeo, mientras cu Levi Keteldijk a bin cu tres.
E preparacion ta bastante duro, unda cu e muchanan ta train cinco pa seis dia pa siman. Wouters a sigui bisa cu nan tin dos dia riba pista, esta un na Street wise y un na Parke di Curason Jaburibari. Ta uza e veld aki pa prepara pa Merca. Tambe nan ta train dos dia di condicion na tankinan y ta train sprints. Tin dia e muchanan ta train forsa manera squad, box jumps.
E reto di mas grandi ta cu tin di haci training op spelende wijzen y Wouters ta haci esey hunto cu Haylee Regales, coach di Rough Riders. Nan ta mucha, tin momentonan serio y menos serio. P’esey mester atende cu nan na un otro manera cu atleta normal. E siguiente stap kisas ta pa prepara nan pa Grands na Tusla, Oklahoma y ta e careda di mas grandi. Aunke cu nan ta den preparacion, nan ta bezig ta busca sponsor pasobra e ciclistanan a coy bastante punto y kier termina e aña bon.
Tres siman prome cu e competencia atleta Levi Keteldijk a lesiona su rudianan y durante esaki un dia so el a subi pista. Patrick Keteldijk, mayor di Levi Keteldijk, a bisa cu nan tabatin nervio con e lo competi, pero door di a train hopi y traha riba su condicion y forsa el a bay competi. Levi a sorprende nan y a termina na di cuater luga, cinco luga y di dos luga.
Pa nan tur dia ta un reto awo cu scol a cuminsa, pasobra tur dia ta un rush. E training ta cinco pa seis bes pa siman, dos pa tres bes di BMX, dos pes strenght training y un bes core na pia. Awendia muchanan ta fanatico di playstation y Keteldijk ta conseha otro mayor cu e mucha por train dos bes pa siman. E atleta no tin playstation, pero ta haci huiswerk, train y tin orario pa hunga. E siguiente carera pa Levi ta otro aña na Houston, pero e aña aki na februari el a core na Sarasota.
