Manera den pasado ora AVP bou di liderazgo di Henny Eman, e Prome Minister di Aruba cu a redobla hopi aña pasa e pensioen di biehes, cu MEP di Nel Oduber tabata contra y a bisa e tempo aya cu no tabata por, awo na aña 2024 ta toca turno na e mep di su yiu Dangui Oduber ta bisa cu no por aumenta e pensioen un biaha mas.
Ta parce cu e DNA ta core den nan sanger y cu semper nan ta contra nos pensionadonan. Den añanan 90 tambe nos pensionadonan tabata pasando momentonan dificil cu un pensioen di un poco mas di 400 florin pa luna y Henny Eman e tempo aya a puntra Nel Oduber di MEP den un debate na Tele Aruba cu e si lo por a biba cu 400 florin pa luna. Un pregunta cu Nel Oduber no por a contesta. AVP contra tur resistencia di partido MEP a redobla e pensioen di biehes, cu a duna e tempo aya un miho bida na nos grandinan.
Y awo, un biaha mas bou di liderazgo di Mike Eman, AVP lo ripiti historia y un biaha mas AVP lo ta esun cu lo zorg pa nos grandinan cu un aumento substancial cu sigur lo por yuda nos grandinan biba un bida digno. Un Aruba yena cu medida door di Partido MEP cu a pone cu e pensioen di biehes ya no ta suficiente mas den e Aruba cu MEP a haci e bida asina caro,cu a bira sumamente dificil pa cualkier ciudadano por biba na un manera digno y sigur nos pensionadonan cu no por traha mas.,Y no lo ta husto tampoco pa un pensionado despues di a sacrifica su bida y a contribui cu nos isla, tin cu bolbe busca un trabou.
Kisas cu tur e malgastamento di placa di pueblo cu gobierno MEP-RAIZ a uza pa biahenan sin resultado,e placa no ta yega pa un aumento di pensioen y nan spaarpot ta asina gordo cu placa di pueblo ,cu nan no lo mester di ningun pensioen mes.
Pero tin speransa atrobe pa nos pensionadonan ora AVP drenta gobierno un biaha mas y goberna door di pueblo y pa pueblo duna nos grandinan loke nan merece,pero no solamente nos pensionadonan,pero tur hende aki na Aruba,nos mayornan , nos muchanan,nos muchanan special,nos maestronan,e ambtenaarnan cu nan poder di compra a bay atras door di tur e añanan sin ricibi indexering y tambe,nos trahadonan den sector priva,trahadonan di nos sector hotelero cu ta esunnan cu di berdad ta nos embahadornan di nos turismo,henter Aruba lo mira progreso un biaha mas. No un progreso basa ariba mentiranan of fantasianan di petroleo of gañamento sin fin di e gobierno aki,cu lo a bisa e Famoso”Monthy “ cu lo baha edad di pensioen, cu ta gaña ariba dolor di muchanan y nan mayornan cu lo pasa ley den 6 minuut y cu a gaña di elimina schoolgeld, cu lo habri refineria, cu lo trece gasolin barata,cu lo baha coriente y awa y lo goberna sin medida,esaki lo pasa pa pasado como un pagina scur den historia di nos isla, cu manipulacion sin fin di MEP.
Pero pronto luz di speransa lo briya un biaha mas cu bo Partido AVP. Ta den bo man pueblo pa nos pensionadonan y tur esunnan cu tambe cu pronto lo por ta un pensionado, lo por hiba un bida mas digno y sin preocupacion. Nos lo por logra esaki door di simplemente pone bo confiansa den e proximo eleccion ariba e unico Partido cu semper a traha pa e pueblo y a lucha pa nos pensionadonan cu ta Partido AVP. Pa minister Dangui Oduber y MEP kisas 40 florin extra mes ta suficiente pa nos pensionadonan ,pasobra tata di Minister Dangui Oduber toch ta biba cu 4 pensioen. E sigur No mester di ningun aumento. Pero nos pensionadonan y sigur esunnan cu ta biba di un solo pensioen mester di esaki y mas pronto cu ta posibel. Aki no tin wega pa politica.
Mi ta haci un apelacion y un suplica na Partido MEP pa no bay bringa un aumento asina importante pa nos grandinan,pero bin para banda di AVP .Pasobra pa Mep e no ta realistico ,pero pa partido AVP Y Mike Eman e ta un deber y un mester di duna e aumento aki na nos pensionadonan.
