Den fin di siman a tuma luga e Nederlandse Kampioenschappen di Taekwondo na Den Haag, Hulanda. Joshua Klaber a participa y a wordo guia pa su coach Master Clifford Rasmijn. Joshua Klaber a topa cu Abdullah Akgul y Joshua Klaber a gana su prome pelea cu un score di 2-0.
Den e di dos pelea Joshua Klaber su contrincante no a presenta y a haci cu Joshua Klaber a yega final y a topa cu e Sub Campeon di Europa Aymen Achnine. Aymen Achnine a caba di gana e titulo di Sub Campeon di Europa na luna di augustus 2023.
Fred Buitenhuis Council Member di World Taekwondo y Presidente di Taekwondo Bond Nederland a entrega Joshua Klaber su trofeo di Sub Campeon.
Joshua Klaber ta gradici su sponsor cu a cubri tur e gastonan pa e biahe di Hulanda y a haci posibel cu e por a participa den e Nederlandse Kampioenschappen hunto cu su coach Master Clifford Rasmijn.
Joshua Klaber a train y prepara su mes na Hulanda y a participa pa Taekwondo School Henk Meijer.
