Diadomingo riba Plaza Libertador Betico Croes a celebra e di tres edicion di Encuentro Multicultural. Mas di 30 nacion a celebra e momento aki.
John Freddy Montoya, lider di proyecto di Departamento di Cultura, a splica cu a celebra e di tres edicion di Encuentro Multicultural. E biaha aki e tabata relaciona cu Dia Mundial di Diversidad Cultural pa dialogo y desaroyo, unda cu tur pais a haya un plataforma pa profila loke ta cultura. N’e edicion aki, Departamento di Cultura a duna un toke special n’e binti aña di Oficialisacion di Papiamento, cual ta dia 21 di mei.
N’e evento aki a conta cu participacion di trinta grupo entre otro Aruba, Boneiro, Corsou, China, Republica Dominicana, Argentina, India, Venezuela, Peru, entre otro. E tabata amplio. A conta presencia di 30 grupo y e tabata un fiesta unda a celebra cultura. A duna e oportunidad na tur grupo na Aruba sali y profila nan talento. Asina aki nan mustra nan orguyo patria. Haciendo esaki Aruba ta cera conoci cu locual ta identifica nan y kico ta rikesa di otro pais. Tambe resalta cu nan cu a bin biba na Aruba y tuma e isla como nan cas, nan ta representa un forsa poderoso p’e desaroyo. Segun Montoya, p’esey nan ta hacie den un forma di dialogo.
E ta relaciona cu un dia importante, cu ta Dia Mundial di Diversidad Cultural. Anterior tabata celebra dia di rasa, pero como un feria cultural. A haci como feria gastronomico, pero un show multicultural den un encuentro multicultural presenta pa Departamento di Cultura conhuntamente cu Ministerio di Cultura.
Pa mas lesa TREMPAN.COM.
