Diamars dia 3 di november ultimo a tuma luga e di 59 eleccion presidencial na Merca. Un di e eleccionnan cu mas participacion di votadonan, banda di hopi atencion di publico, via medionan tradicional y medianan digital moderno. E influencia di media social a domina den e eleccion aki, afecta grandemente pa efectonan di distanciamento social debi na e pandemia y Coronavirus. Joe Biden finalmente a gana eleccion, despues di un competencia cabes-cabes cu e presidente actual, Donald Trump.
Donald Trump a sigura su nominacion Republicano sin mucho competencia den partido. Ex vice-presidente Joe Biden a sigura su nominacion Democrata di su competencia mas grandi cu tabata Bernie Sanders. Dia 11 di augustus 2020 Biden a anuncia cu e lo participa hunto cu senador Kamala Harris.
Joe Biden a gana eleccion pa presidente di Merca awe. A programa pa inaugur’e dia 20 di januari 2021. Esey si no bin mucho problema y batayanan legal di parti di e presidente saliente.
Joe Biden lo bira e presidente mas bieu di Merca, cu 78 aña di edad, dia cu nan inaugur’e. Tambe e ta bira e presidente mas bieu den historia di Merca. Biden a bira e prome candidato pa gana un presidente na mando den 28 aña. E ultimo biaha cu esaki a sosode tabata na 1992, tempo cu Bill Clinton a gana George Bush. Esaki ta e prome presidente nomina pa gana sin e estado Ohio den e ultimo 60 añanan. Tambe e ta bira e di dos vice-presidente, cu no ta den oficina, pa gana un presidente na mando. Tambe e ta bira e di dos presidente Catolico Romano, despues di John F. Kennedy na 1960.
Adicionalmente, Kamala Harris ta bira e prome hende muhe pa sirbi como vice-presidente di Merca.
