Dia 5 di october ta celebra Dia Internacional di Maestro y den cuadro di esaki, SIMAR a extende palabra di felicitacion como tambe gradicimento na tur e maestronan na Aruba p’e trabou cu nan ta desplega.
Jahaira Falcon, tesorero di SIMAR bisa cu e profesion di maestro ta un profesion hopi responsabel, ya cu e ta forma parti di e futuro di e pais. SIMAR a gradici e maestronan pa nan trabou cu nan ta bin ta desplega. COVID-19 ta un periodo, unda cu a test tur profesion. Y esun cu mas a test tabata e profesion di maestro, unda cu den e test aki, a presenta diferente retonan. Por bisa cu e maestronan a logra sobresali den nan trabou y nan profesion. Te ainda nan ta haci esaki, ya cu ainda nan ta den periodo di COVID-19.
Tambe SIMAR a felicita tur esunnan cu ta traha den e field aki, ya cu no ta maestro so ta traha, pero tambe e.o. e personal di administracion, cu tambe ta aporta na formacion di e futuro alumnonan. SIMAR ta sinti su mes honra, di ta parti y di ta representa e field aki di enseñansa, unda ta lucha pa derecho di e personanan cu ta labora den e field aki. Tur hunto ta esun cu ta forma e muchanan pa guia y lidera nos pais.
Como Dia di Maestro, SIMAR a organisa un anochi di bingo, pa e miembronan. E ta algo chikito compara cu e trabou cu e maestronan a bin ta desplega. Pero e ta algo cu tabata kier a duna na e miembronan na ocasion di Dia di Maestro.
Josephine Albertus, presidente di SIMAR, actualmente ta na Bonaire.
Pa un relato mas amplio, lesa TREMPAN di mañan.
