Diadomingo mainta, rond di 6:00am, e team di ciclismo Islanders Cycling Team a inaugura nan tent nobo, cual tabata patrocina pa Cerbes Balashi. E inauguracion a tuma luga dilanti di e facilidadnan di Parke Nacional Arikok, den cual tur miembro a haci uzo di e ocasion pa alabes cumpra nan jaarpas di Parke Nacional Arikok, cu ta un di e sitionan cu e team ta uza regularmente pa train.
Dirigencia di e team, specialmente coach Rodney de Cuba, kier gradici Brouwerij Nacional Balashi (BNB) pa e sponsorship aki, ya cu e tent ta hunga un rol importante durante eventonan di ciclismo. Adicional, kier a gradici BNB pa sponsorship di productonan di hidratacion cu ta sumamente importante durante un careda.
Finalmente, e team kier a gradici tambe tur sponsor, ya cu nan aportacion tambe ta sumamente importante pa e team por sigui funciona.
Tocante Islanders Cycling Team
Islanders Cycling Team a wordo funda na aña 2021 y ta conta cu e cantidad respeta di 30 miembro activo. E team ta activo den tur e categorianan di Mountain Bike aki na Aruba, pero alavez ta activo tambe den e categoria di “Road Biking”. Mester menciona cu entre e ciclistanan tin algun prospecto hoben cu a sa di destaca den exterior, pero alabes tin ciclistanan 50+ cu ta core den categoria C.
