Directiva di Centro di Bario Playa Pabao ta anuncia su proximo actividad cual lo ta Ban Busca Webo na Playa Pabao. E Actividad aki ta tuma lugar diadomingo 17 di april, mainta di 9:00 am pa 11:00 am na Centro di Bario.
Riba e dia aki tin buscamento di webo pa mucha di 4 aña te cu 8 aña. Mayor por inscribi nan yiu(nan) di dialuna pa diahuebs mainta di 9:00 am pa 12:00 pm y despues di merdia di 3:00 pm pa 6:00 pm. Diasabra mainta di 10:00 am pa 11:00 am caminda un miembro di directiva lo ta presente na Centro pa tuma inscripcion.
Pa e actividad aki directiva di Centro di Bario Playa Pabao ta cobra un contribucion di 5 florin. Tur mucha lo ricibi un hotdog y juice, naturalmente tambe nan tin e oportunidad pa gana premio. Pa motibo organisatorio, directiva di Centro di Bario Playa Pabao ta haci un apelacion riba e mayornan pa inscribi nan yiu(nan) na tempo y no warda te na ultimo momento.
Ultimo dia pa inscribi ta diasabra mainta 16 di april.
