E no lo bira algo di habri aeropuerto den luna di Mei y turistanan lo yega na careda. E lo ta un proceso largo y recuperacion turistico na Aruba lo ta dependiente di mas factor mundial. Mas bien e ta 4 punto cardinal; Con eventualmente lo mantene e pandemia bou control; E velocidad di recuperacion; E situacion aki na Aruba; Restriccionnan y regulacionnan local y internacional relaciona cu biahamento internacional.
Cu e factornan aki den mente, James “Jim” Hepple, un assistent di profesor na Univerdidad di Aruba a prepara un rapport cu el a yama “When will Aruba’s tourism industry recover?”. Nos ta añadi e documento den e noticia pa Bo mes por download e y les’e den tur trankilidad.
Jim Hepple tabata CEO di AHATA te cu 2 aña pasa y awendia ta Director di Tourism Analytics, den cual e ta analisa data di turismo na Aruba, den Caribe y na tur parti di mundo. Jim Hepple ta un profesional di mercadeo den turismo desde aña 1973 caba y awendia ta duna les tambe como assistent di profesor di e facultad di Hospitalildad y Maneho di Estudionan di Turismo na Universidad di Aruba. Ta bon pa menciona cu 4 aña pasa, Caribbean Hotel Association a eligi’e como e “Executive of the year 2016”.
Loading…
Reload document
Open in new tab 
