Instructornan di Landamento Escolar a yega na palabracion cu Minister Presidente
Instructornan di Landamento Escolar a tene un reunion cu Minister Presidente, cu pa nan a bay bon. E empleadonan a trece dilanti nan preocupacion manera a haci esey durante e reunion den Parlamento.
![](https://24ora.com/wp-content/uploads/2020/11/20201118_BK_landamento_escolar-1-1920x1280.jpg)
Carol Boekhoudt, instructor di Landamento Escolar, ta sinti cu e reunion tabata positivo y e mandatario a priminti nan cu p’e siman di 7 di december lo tin claridad. A bisa nan cu p’e siman ey nan lo haya algo concreto pa tin un trankilidad. Nan ta haya un lastima cu mester bay via e cabes di gobierno pa regla e cosnan aki. Tur e temponan aki e Minister di Enseñansa no a duna nan oido.
E empleadonan a pasa un caminda di cruz, segun Boekhoudt. Nan como e instructornan di landamento so a cana e caminda aki y a logra e reunion aki. Awo nan ta un tiki mas trankil, pero ta en espera pa dia 7 di december, cu ta e siman di examen, pa mira kico nan ta bay haya preto riba blanco. E instructornan ta preocupa p’e fecha di 31 di december, asina el a splica.
Boekhoudt ta traha como instructor pa 28 aña y p’esey a yega na un palabracion durante e reunion cu e siman di 7 di december nan lo haya un trankilidad. Nan ta spera no manera a priminti nan, cu lo balora nan trabou, e 28 aña di landadamento escolar y cu nan por logra nan rechts positie.