Cortamento den e subsidio di institutonan cu ta traha den sector di cuido a afecta nan tur y nan funcionamento. Pa Instituto Medico San Nicolas (ImSan), esaki a nifica haci un evaluacion di cuanto servicio nan lo por sigui duna. Dr. Joel Rajnherc a papia di e tema aki recientemente, unda el a expresa su preocupacion cu profesionalnan di e ramo ta scoge pa bandona Aruba. Esaki lo ta afecta e servicio a lo largo.
E cortamento di gasto a nifica cu mester a pone tur cos den balans y wak unda e prioridadnan. Un di e principal nan ta pa cumpli cu pago di debenan pa nan por keda operacional. Tur siman e director ta sinta cu hefe di finanza pa mira cual ta e posibilidadnan pa cada siman, teniendo cuenta cu e gastonan te na e momentonan ey.
Den e evaluacion cu ta haci semanalmente, loke ta haya prioridad ta mashinnan cu a daña of piesanan cu mester busca.
Pero e preocupacion ta e aumento di pashentnan cu ta dialisa, cu denter di poco no tin mas espacio. Pero si tin espacio mes, no tin profesionalnan di e ramo. Den sector cuido ta trahando mas ora pero ta pidi pa entrega. A lo largo, esnan cu a bin duna un man na Aruba ta prefera di bay bek nan pais.
Lesa mas riba www.trempan.com
