Lo bay tin un simplificacion di tarifa cu lo ta introduci hunto cu BBO na frontera. Na 2018 caba tabata un recomendacion di IMF y e ta hopi importante pa tin un simplificacion. Por mira cu esaki lo ta haci na momento cu introduci BBO na frontera.
Segun director di Aduana, Roderick Croes, e simplificacion di tarifa tin su bentahanan. Loke ta pro di un simplificacion di tarifa, ta e cumplimento lo ta mas! E lo facilita mas hopi posibel pa comercio, di modo cu mas eficiente traha, mas lihe comercio por haya nan producto y cu nan por keda draai.
E ta hopi mas facil pa controla door di Aduana, pasobra tin menos tarifa cu tin cu sinta coba den dje. Tin actualmente den e tariefboek di aduana, mas of menos 900 diferente codigo di mercancia, cu lo ta reduci te na 200 cual ta un reduccion hopi grandi, cu lo haci e trabao di Aduana mas facil.
Di un otro banda e lo ta menos sensibel pa fraude tambe. Tur esaki hunto, ta bay pone cu lo facilita comercio hopi mas, trahando mas eficiente, tanto na Aduana, pero tambe p’e brokernan tambe traha mas eficiente.
N’e momentonan aki tin 12 tarifa. E tarifanan cu tin actualmente ta di: 0%, 2%, 3%, 6%, 10%, 12%, 22%, 30%, 32%, 40%, 50% y 57%, cual ta hopi. Riba recomendacion di IMF a reduci esaki te na seis tarifa, cual lo bira 0%, 6%, 12%, 22%, 32% y 62%.
UNDA IMPUESTO RIBA IMPORTACION DI AUTO A KEDA
E pregunta cardinal den esaki ta, unda nos por mira e reduccion riba e tarifa di importacion di auto a keda. Roderick Croes a splica cu pa loke ta trata 30%, 40% y 50%, tur a bira un tarifa cual ta 32%.
Aworaki auto a baha. Un a baha cu 18% y e otro a baha cu 8%. Tur a bira 32%. Asina tin e tarifa di mas halto cu tin aworaki, cual ta 57% cu ta tarifa pa vuurwerk y pa ciga (tabaco), esey ta esunnan cu a subi pa 62% (un aumento di 5%).
Tur locual a hinca den e tariefversimpeling aki, a hacie budgetneutral cu no por tin un belasting mas grandi cu tin mester riba comercio.
P’e bendedonan di auto, segun e ley drenta, e lo ta efectivo entrante prome di juli.
Den e caso di auto, ta haci uzo di un open entrepot. Den un entrepot, mescos cu e otronan, ainda no ta papia di ‘invoer’. E definicion di invoeren ta pa Aduana Technisch, e ta n’e momento cu formalisa tur e documentacion di Aduana, pasa full e proceso di Aduana y esaki ta declara e producto liber. N’e momento ey ta papia di invoer.
Pa loke ta BBO, ta bay uza e mesun definicion, esta invoer, cual e ora ta pag’e. Den e caso di auto cu ta bendi p’e companianan grandi, tur tin un open entrepot. N’e momento cu e compania ricibi e autonan aki, nan no ta paga invoerrechten, te n’e momento cu bende nan.
N’e momento aki e autonan cu ta bendi despues di dia prome di juli, e ora ey ta papia e ora di invoer. E ora ta bay paga e BBO na frontera.
AUTONAN GREEN
Esaki tambe ta conta p’e autonan electrico, esta e autonan green. E tarifa aki tambe lo bay di 2% pa 0%, segun maneho. Pues mirando esaki, tarifa riba e autonan electronico tambe lo baha.
