A pidi presencia di polis cu poco urgencia riba highway di Palm Beach, pa un accidente basta fuerte entre dos vehiculo. A mobilisa rapidamente den direccion di ex- House of Chengs na Noord caminda a bin topa cu ambos vehiculo tira den e rooi cu ta separa e caminda.
Esaki a sosode un poco prome cu 2:30pm, caminda a bin topa cu un Lexus y un Kia blanco cu den e yerbanan. Un persona herida y drumi eybou mientras demas hende envolvi ta purba descifra ta kico por a pasa cu a perde control dje forma ey.
E persona drumi eybou tabata keha di basta dolor, pero afortunadamente no a ricibi nada di gravedad te na e momento aki. E impacto tabata hopi fuerte si y e daño material ta considerabel pero tin cu gradici cu e no a bira algo mas grave.
Ambulance a presenta un bon rato despues, a atende cu victima y a opta pa transport’e pa hospital.
