Diasabra den oranan di merdia un ilegal a core bay y scapa for di vigilancia di Guarda Nos Costa. E persona tabata lucht den cura y na dado momento a haci bon uso di un chens cu el a haya. El a subi e hekwerk halto y asina baha na awa.
A core bay nort direccion Price Smart. Na Price Smart nan a perde for di bista. No sa si un auto a bay cune of si el a drenta cualkier negoshi eybanda. Na Guarda Nos Costa na Sabana Berde e ileglanan ta sera. No por laga nan sera henter dia. Pesey mes ta habri porta un rato pa nan cana den e cura. No tin porta habri pa nan bandona e propiedad. Solamente e ilegal aki cu a wordo gara recien tabata asina lenig cu el a logra subi e cura pura pura y huy.
Aunke e personal di Guarda Nos Costa a sali su tras, tog nan no a logra haye. Den pasado tin otronan cu tambe a yega di huy pero cortando hekwerk di e espacio unda nan ta sera. Entre esnan cu a huy, tin cu a entrega nan mes bek. Esnan cu ta sera no ta wordo considera un criminal. Pesey ta duna nan tog basta espacio pero asina mes nan ta faya y burla di e personal. Por algo el a huy.
