Caso asesinato di Sayuri Petronia tabata e unico riba rol awe den corte. E acusado ta Izak Principaal,acusa di a mata su “amiga” Sayuri. Zuriel Celaire, kende ta e otro hoben envolvi, ya caba a haya su sentencia di dos aña combina cu “pij maatregel”. Y pa e wordo interna den un instituto na Hulanda. Sinembargo Hulanda no a mira su cara ainda.
Awe Corte a scucha tanto e psikiatra via di video conference, ya cu e ta na Hulanda y e psicologo di Aruba riba nan pensamento pa cu e acusado Principaal. En general nan pensamento ta igual. Solamente cu e psikiatra ta kere cu mester husg’e via leynan hubenil mientras cu e psicologo ta kere cu mester l husg’e como adulto y cu TBS.
Na final e fiscal a baha su demanda for di 11 pa 9 aña di prizon pero cu TBS. Esey ta nifica cu despues di sinta castigo di prizon, mester intern’e den un instituto te dia un psikiatra constata cu e por sali y biba riba su mes sin forma peliger pa comunidad.
Dia 5 di october pa 10:00 am lo dicta sentencia. Pa un relato amplio lesa e siguiente edicion di TREMPAN.
