Hungateca a cumpli su cinco aña na Aruba, cual sigur ta un acontecimento grandi di cual mester ta orguyoso di e logro aki.
Shurman Milliard , miembro di e directiva, a cuminsa na bisa cu nan ta contento di a logra esaki. E desaroyo den e ultimo cinco añanan ta hopi grandi. Nan tin mas di 250 miembro di Hungateca, diferente mama y tata cu ta fia diferente cos pa hunga. Ta costa solamente cinco florin pa aña.
E animo y e fiamento di e diferente co’i hunga ta asina grandi, cu kier sigui traha riba dje. Ta importante pa enfatisa cu Telefon pa Hubentud t’ey pa e composicion di un mayor. E mucha ta bin hunto cu nan mama of tata, pa nan por desaroya y haya diferente capacidad mental y habilidadnan motriz (motoriek). Na Hunga Teca nan ta apoya y subraya esaki p’e ultimo cinco añanan caba, cu diferente proyectonan. Nan ta haya hopi ayudo di Gloria den diferente manera, pa cual sigur nan ta hopi gradicido.
Telefon pa Hubentud kier duna bek na comunidad, cu kisas mester di un poco mas yudansa; mayornan cu no tur ora por tuma vakantie of haci un actividad pafo di cas, nan ta bezig cu diferente proyecto y actividadnan saludabel.
Amelia Aguire –Broca ta e link entre e miembronan y boluntarionan cu ta percura pa Hunga Teca ta draai. E tabletnan ta un sponsor di Kiwanis Palm Beach, pa haci entrega na algun scol y tambe na Biblioteca Nacional.
Biblioteca Nacional ta treciendo un manera nobo con pa studia mas facil y mas miho. E muchanan cu no tin acceso na laptop, por haci uzo di e tabletnan na Biblioteca Nacional.
E ta un proyecto cu ora ta asina leu, Biblioteca Nacional lo anuncia esaki tambe.
