Por tin noticia no mucho bon pa e islanan ABC pa diabierna awo, si Gobierno bay di acuerdo cu e conseho di e comision di salud pa saca un conseho negativo pa biahamento.
Segun informe di Hulanda, e chens ta grandi cu e pais aki ta bay bini cu un conseho negativo den temporada di “wintervakantie” pa tur biahenan pa exterior.
Por a compronde cu Outbreak Management Team bou guia di RIVM, a conseha Gabinete Rutte pa descurasha Hulandesnan biaha durante temporada di invierno – cu ta e temporada aki Caribe ta hopi atractivo pa e paisnan friu – pa exterior. Esaki hustamente ta temporada halto tambe pa e islanan den Caribe.
E conseho aki a bini despues cu hopi hende a bolbe contagia despues di nan vakantie di zomer. Y a resulta cu solamente un kwart di hendenan cu a bini di zonanan pa cual tin code oranje tabata dispuesto pa bay den cuarentena.
Diabierna Gobierno di Hulanda mester tuma un decision y tur cos ta mustra cu lo tuma e conseho aki over.
