Gobierno di Hulanda awe a dicidi di prohibi trafico aereo di pasahero cu Reino di inmediato y durante al menos algun dia, siguiendo recomendacionnan di autoridadnan di salud di Hulanda pa miedo di un variante nobo di coronavirus detecta riba teritorio Britanico.
Ministerio di Salud a confirma cu un estudio cu nan a haci na inicio di e luna aki a revela cu ta circula un virus cu e variante describi door di Reino Uni y, despues di e alarma bati na Londen, autoridadnan di salud awo ta analisando e variante aki di coronavirus, con e contagio a tuma luga.
RIVM a pidi gobierno pa controla movecion di pasahero cu Reino Uni “mas tanto posibel” pa limita “entrada di e cepa aki di e virus” riba teritorio Hulandes. Pa e motibo aki gobierno a tuma e decision pa prohibi trafico aereo di personanan procedente di e islanan Britanico te cu prome di januari, por lo menos.
E prohibicion no ta inclui transporte di mercancia, ni personal di salud, y ta mantene habri diferente wafnan, entre otro esun di Rotterdam, como transporte di trein, pa cual ainda ta posibel biaha cu auto, trein y barco.
Un biaha mas a pidi e ciudadanonan pa no biaha pa exterior, a menos cu e ta estrictamente necesario, debi na e riesgo grandi di plamamento di e virus cu ta causa COVID-19.
Belgica tambe a prohibi vuelo- y biahenan via trein procedente di Reino Uni durante al menos 24 ora, desde mey anochi, segun e prome minister Alexander De Croo a informa riba television.
A restringi esaki pa 24 ora mientras cu cientificonan ta analisa ainda e variante di coronavirus.
