For di American Weightlifting Federation, Aruba Amateur Weightlifting Association a ricibi un invitacion pa Sr. Hugo Themen bin traha como referee Internacional den e Open American Series 3 Weightlifting Championships.
E Open American Series 3 a tuma lugar den e estado de Las Vegas, Nevada for di 13 pa 16 september 2018.
Den e American Open Series 3 tabata tin un record di participacion di mas di 1650 atleta den categoria di Youth, Senior y Master por bisa cu esaki tabata e evento mas grandi di mundo pa e deporte di Weightlifting.
E Campeonato aki tabata pa clasificatorio pa e World Weightlifting Championships Ashgabat 2018 , Panamerican Games Lima 2019 y Olympic Games Tokio 2020.
E competencia mes a tuma lugar den e Las Vegas Convention Center y atletanan a hospeda den e famoso hotel Westgate Las Vegas Resort & Casino
Amateur Weightlifting Association kier a gradicimento e federacion di American Weightlifting Federation cu a cubri gasto di viaje y hotel y pabien na Sr. Hugo Themen cu a fungi como referee internacional den e Open American Series 3 na Las Vegas, Nevada, USA.
