Durante un conferencia di prensa cu a tuma luga recientemente na corte, tabatin varios pregunta haci na e huesnan.
Den prensa recientemente a sali cierto denuncianan caminda cu un partido politico ta acusa Ministerio Publico di ta comete persecucion politico y e ponencia aki no a cay den bon tera cerca OM.
Den su defensa, mr. Debby Angela, kende ta e persrechter (hues di prensa), a menciona cu tin un trias politica. Tin e poder legislativo, e poder ehecutivo y e poder hudicial y pa un politico ataca un di e tres podernan aki, no ta bon.
Hof no ta contento cu esaki. Con ta bay ataca e trias politica y bisa cu tin persecucion politico, ta loke mr. Angela ta cuestiona.
Esaki ta haci cu por bin un sentimento di desconfiansa den pueblo riba Ministerio Publico. Por ultimo el a menciona cu mester ta cauteloso ora cu haci cierto expresionnan.
![](https://24ora.com/wp-content/uploads/2021/06/unnamed-3.jpg)