Na Dakota a tuma luga un caso di tiramento caminda cu un hende homber lo a keda herida. E victima a core bay cay den cura di un cas den Caya Juancho Kock.
E tiramento lo mester a tuma luga na e cruzada di Dividivistraat y Caya Juancho Kock. Bisiñanan a tende varios tiro y a mira movecion banda di e bari net banda di e cas. Aparentemente e victima a bula den nan cura y eynan e tabata basha sanger. Segun testigonan, por a scucha discusion net prome cu tiro a cay.
E victima a logra yega na warda di polis na Playa, sea su mes of cu ayudo di otro. Ambulance ta na warda di Playa pa asina atende cu e victima.
