Diamars pa mas of menos 8:30PM polis a presenta na Weg Fontein pa atende cu un problema di cabrito. Na nan yegada un homber basta disgusta a splica cu a horta su cabritonan.
El a sigui bisa polis di sa ken ta e persona cu a haci esey y p’esey el a pidi pa nan intermedia. Tambe el a informa cu den pasado el a yega di papia cu un recherche di San Nicolas, pero te ainda no a tende nada. E kier haya un contesta mas pronto posibel, prome cu e mes bay regla e asunto, cosnan bay for di man y e mes keda deteni.
E agentenan policial presente a tuma dato di tur loke a pasa. Polis a papia cu e homber riba loke el a bisa y a inform’e cu lo laga e recherche cu el a menciona pa tuma contacto cu ne pa loke ta su situacion.
