Diamars anochi Polis a bay pura den direccion di Esmeralda. A drenta informacion pa manda Polis pura pasobra tin un homber de remate cu ta un menasa pa tur hende den cas.
Esnan den e cas mester a cera nan mes den camber etc pa asina evita cu e persona agresivo ta yega na nan. Polis a bay cu urgencia y na yegada na e adres a mira un homber core bay. Nan a bay su tras mesora. Nan a topa cune den Safir. E no a yega mucho leu. Un 100 meter el a logra core bay pero Polis a gare. A bay cune warda den dogcatcher.
A confisca su rugtas. No ta conoci kico a pasa cu el a actua asina. Ora cu Polis a detene e tabata full otro. El a calma cu presencia di Polis y tabata papia di 200 florin cu e no kier perde pasobra su mama a dune pa paga coriente.
Finalmente na warda di Shaba no tabata tin un cel pe y pesey a bay cune te warda di San Nicolas pa eynan e sosoge e body. Polisnan a bay na e adres na Esmeralda unda a bay chek si tur hende tabata ok. Despues di confirma esaki y haya un splicacion di loke a sosode, e Polisnan a sigui nan caminda lagando e famia cu un trankilidad atrobe den cas.
