Diamars anochi polisnan a atende otro caso di violencia domestico y na final di e caso, a detene e homber cu a lansa e menasa.
E caso aki a sosode diamars anochi, casi 9.30. Polis a yega na un cas na Cura Cabai, situa net patras di e supermercado Knippo. Segun por a compronde, tabata trata di un problema di pareha. Na e sitio a bin compronde cu e homber ta menasa un dama di lo maltrat’e den su cas. Polis a papia cu e pareha y por a nota cu cos a calma eyboy y no tabatin mester di a detene e homber tampoco.
