Bisiñanan atento den Balashi a scucha un zonido fuerte y,mesora a sali pafo pa wak a pasa.
A resulta un hende a dal abou cu un brommer Harley Davidson y a lastra un bon pida. Esaki tawata diabierna anochi un poco prome cu 11or.
Mesora a bati alarma cerca authoridadnan.
E homber en cuestion a bay sconde den mondi pa no wordo gara en conexion cu toke de queda. A bin hay’e te na e crusada di Mondi Fierno, y e tawata mustra di ta bou influencia di alcohol.
Mesora a detene pa buracheria y pa viola ley di toke de queda. E brommer numera MFA-242 a haya algun daño riba dje, a buska takelwagen pa bay cu ne.
