Polis Belga a tira un persona mata cu tabata deteni den un prizon hubenil na Breda. Segun tin entendi, e hoben a huy awe tardi for di e prizon. Dienst Justitiële Inrichtingen (DJI) a anuncia esaki. E hoben lo tabata trahando pafo di e prizon ora cu el a dicidi di scapa y a hiba dos personal di e prizon como rehen cu ne a punta di un pistol.
Despues di esaki, el a huy cu un auto y a crusa frontera Hulandes direccion Belgica. Polis local a informa nan coleganan Belga di esaki. Den e ciudad di Brecht, polis a purba obliga e hoben di para un poco despues di 4:00 pm. Den esaki un tiramento a start, durante cual e hoben a resulta morto.
Te ainda no a revela edad di e preso fayecido. Mayoria di e hobenann deteni den e centronan di detencion hubenil tin entre 14 pa 21 aña di edad, pero tambe tin algun cu ta mas bieu.
