Awe tardi pa mas of menos 6:20pm a pidi intervencion di polis na Manuelito’s Sport Bar den Playa pa un problema cu por bay for di man. Ey autoridadnan a topa cu algun hende preocupa pasobra un hende muhe tabata pasa eybanda cu un boter den man y menasando tur hende di lo corta nan cu e boter.
Mirando cu e señora tabata parce un adicto ambulante y cu e no tin nad’i perde, a opta pa pidi polis presenta pa papia cu ne y evita un problema eybanda. A busca den e area pero no a topa cu e adicto mas.
