Diasabra e situacion a bira pio, na momento cu tabata tin dos cacho hopi grandi y shete puppies, cu tabata molestia e bisindario. Dado momento esaki a bira di mas. Louky Constandse, habitante di Weg Fontein a bisa cu e cachonan aki ta causa molester grandi. Nan ta core rond, drenta cura di e habitantenan y ta keda blaf constantemente, ya cu nan ta cachonan agresivo.
Ta un situacion cu tin varios aña caba asina. Weg Fontein a bira un bario unda cu ta bin laga cacho atras. Y e cachonan aki ta keda causa molester for di tempo cu nan ta chikito te ora cu nan bira grandi. Mas aleu, Luki a bisa cu el a yama City Inspector pa e situacion aki pero nan a inform’e cu nan no ta recoge cacho bandona mas y cu mester yama polis. El a yama polis pero nan a inform’e cu nan mes no tabata sa di nada y cu nan no tabata prepara esaki. Esey ta haci cu e ta keda meymey di dos instancia gubernamental cu no por brinda e asistencia necesario.
Despues di a delibera cu e bisiñanan, un par di dia despues el a dicidi di yama City Inspector un biaha mas y el a haya un otro persona na telefon. E persona a bisa di ta compronde e situacion, ya cu no ta trata di demasiado cacho, pero si nan tabata cacho agresivo, a informa Constandse cu nan lo lo manda un persona. Pero esaki lo sosode te cu dialuna, ya cu pa diabierna ya caba nan schedule tabata ful.
Por ultimo, Louky a pidi pa Gobierno cuminsa haci mas pa asina evita cu tin asina tanto cacho bandona riba caya cu ta terorisa e habitantenan. No tin mucho opvang p’e cachonan pa cual ta prefera di laga e cachonan bandona cant’i caminda. Ta e bisiñanan a wak un auto tabata core rond cu e cachonan y esaki tabata simplemente busca un luga unda cu e por a baha e cachonan y a laga nan atras. Si e persona a laga cuminda pa e cachonan, pa asina esakinan no core su tras ora cu e bay.
