Pa algun dia caba awa ta yobiendo y e habitantenan di Moko ta haci suplica na DOW pa yuda nan drecha e caminda di santo cu ta kibra n’e crusada. E problema aki ta stroba nan entrada di cas.
E crusada aki di Moko pa Jaburibari ta un rooi. Na momento cu awa yobe, nan no sa unda e rooi ta coba den e caminda. E habitantenan a yama DOW te fada. Nan no ta haya contacto cu DOW y nada no ta haci pa drecha e situacion.
E yobidanan ta bay cu e teranan y esey ta haci cu hende no por pasa cu nan auto. E habitantenan ta pidi DOW pa drecha e caminda di santo.
