Diaranzon mainta pa 8or y 30 lo tin un kortgeding den corte. Aki ta trata di un caso unda Minister Plenipotenciario Guilfred Besaril ta demanda Melvin Tromp cu ta ex Parlamentario di AVP y actual vocero di AVP. No ta conoci si e GevMin a subi avion na Hulanda bin Aruba pa asina tey den corte cu su abogado pa e caso aki. E motibo cu GevMin Guilfred Besaril ta bay corte ta pasobra Melvin Tromp a haci un publicacion recien unda ta yama Guilfred Besaril pa Prins Pedofiel. Esaki ta relaciona cu e benta di e Cas di Aruba “Aruba Huis” cu e Minister Plenipotenciario a anuncia e aña aki. Den dos diferente media sigur esaki a wordo publica. Guilfed Besaril como mandatario a escohe pa usa abogado mr Chris Lejuez pa bringa e caso pe. Mientras cu Melvin Tromp na comienso tabata tin Abogado Peter Mohamed y awor a escohe pa cambie pa abogado Benvinda de Sousa. For di prome instante Guilfred Besaril via su abogado a manda carta pa rectifica loke a wordo expresa. Despues abogado Mohamed a manda un contesta notificando cu nan lo no contesta. Hasta e abogado lo a laga sa cu nan por bay corte si nan kier. Y cu si nan keda insisti e cos lo bira peor ainda pasobra tin cos mas mahos cu lo sali bin dilanti contra Guilfed Besaril cu ta rabia pasobra ta acuse di ta Prins Pedofiel. E expression contra Guilfred Besaril relaciona cu Pedofiel no a cuminsa awe. Algun aña caba desde cu e ta parlamentario Melvin Tromp a tilde of manda cos den su direccion encuanto asunto di Pedofiel. Como parlamentario nunca Guilfred Besaril a hiba Melvin Tromp corte. E ta mustra comosifuera e tempo ey mester a usa su mesun fondonan si e kier bay corte. E biaha aki e por usa e poder di Minister pa defende su mes cu fondonan di pueblo pa paga abogado. Kiermen den e caso aki ta como Minister di Pais Aruba e lo demanda Melvin Tromp. Awor e por usa e fondonan di gobierno of pueblo pa asina busca su derecho mientras cu den pasado como parlamentario e lo mester a usa su mesun fondo. E tempo ey a opta pa keda keto legalmente. Diaranzon mainta nan lo te den corte pa 8or y 30.
