Diaranson mainta, 4 boto cu ta bay busca gasolin na Venezuela, a haya nan confronta cu un situacion hopi fastioso. Ora nan a yega eynan, guardianan a saca arma riba nan y demanda placa pa asina nan por haya nan boto bek y tripulante nan por bay cas. Guardia a laga 1 boto bin bek cu 1 personal di cada boto, den e caso akinan capitan, pa asina por regel pa haya placa cu nan ta pidiendo pa asina por laga nan bay. Cada un boto mester a paga mas of menos $4500, unda den atardi laat tripulacion di e botonan a logra sera nan plaka. Anochi e botonan a drenta cu tur tripulacion sano y salvo. Famianan tur a yega pa asina ricibi nan sernan stima bek.
