Como e aña aki a cuminsa y nos ta sigui cu e situacion di e pandemia di Covid-19 y su consecuencianan, y cu e protocolnan cu ta na vigor, lo siguiente. Grupo San Hudas Tadeo Peregrino a dicidi cu pa motibo di e ya menciona situacion, cu e grupo no lo bay resa cas pa cas di un devoto ainda den e aña 2021 aki.
Lo siguiente lo wordo haci, e imagen di San Hudas Tadeo lo wordo hiba si na un cas di un devoto riba dia 28 di cada luna, y e devoto lo resa cu su famia of cu otro invitadonan cu e famia mes lo ta desea pa invita, teniendo si na cuenta cu e cantidad di persona cu por ta presente, (segun e protocol di DVG) y e distancia social y e uzo di mondkapje.
E imagen lo keda for dia 28, y riba dia 29 y 30 di cada luna (3 dia) na cas di e devoto y riba e di 4 dia (por ta 31 di e luna vigente of 1 di e luna siguiente) ta pidi y asisti na un Santo Sacrificio di Misa na cualkier parokia (of por sigui un Santo Sacrificio di Misa via TV, Internet, Youtube of Facebook – cu e composturanan (lanta y sinta) cu ta sigui durante un celebracion di Misa normal na un Parokia), pa gradici San Hudas Tadeo pa e gracia cu a ricibi y tambe pa e gracia cu a keda sin ricibi. E imagen por keda tambe na cas di e devoto pa un luna te ora bay busc’e (riba dia 27 di luna) pa hib’e na un otro cas di un devoto.
Asina ta cu e miembronan lo resa na nan cas, e oracionnan di Triduo na honor di San Hudas Tadeo pa e 3 dianan di luna ya menciona y lo haci despues mescos referente gradicimento.
Por sigui e Triduo tambe riba Facebook di Parokia di Birgen di Fatima Dakota. E decision aki lo keda na vigor te ora nos devotonan (cu mayoria ta di risico halto) por asisti na e oracion na honor di San Hudas Tadeo Peregrino sin ningun problema.
E prome luna di januari 2021, e imagen lo ta na sra Ida Croes su cas, Jaburibari 211. Y asina despues lo sigui e otro lunanan na cas di un devoto, segun nan peticion. Tin caba geschedule pa Februari 2021, cu e imagen lo ta na cas di Myriam Vrolijk, Santa Cruz 14 A y na luna di Maart 2021 e imagen lo ta na cas di Famia Dirksz, Solito 56.
Si tin cualkier devoto cu lo desea pa ricibi e imagen peregrino di San Hudas Tadeo na nan cas por yama libremente sra. Myriam Vrolijk na telefoon number 594 1829 of sra Ida Croes na telefoon number 594 4144. Cu mucho gusto nan lo por duna informacion.
