Un grupo di hoben profesional / studiante, kendenan ta forma parti di STEM (Science, Tecnology, Engineering & Mathematics) Embassy, ta dunando tayer na Universidad di Aruba. E meta di STEM Embassy ta pa promove e tipo di estudio aki cu por haci hopi na bienestar di comunidadnan di mundo.
Un di e hobennan profesional cu ta forma parti di STEM ta Jillian Oduber, Secretary STEM Embassy, Mentor robotics team, Master student Space Engineering di TU Delft.
STEM Embassy ta un organisacion cu ta situa na Hulanda. Ta consisti di studiante y hobennan profesional di Aruba, Boneiro y Corsou. Nan meta ta pa promove e ramonan di STEM (Science, Tecnology, Engineering & Mathematics), riba e islanan ABC.
Ta promove e ramonan aki por medio di tayer y otro eventonan pa e hobennan di e islanan.
Mester menciona cu pa prome biaha e grupo di Arubiano a logra participa den un competencia di robotica. Ta trata di e First Global Challenge, cu ta un organisacion Mericano cu tin meta similar na STEM. E diferencia ta cu nan ta organisa e challenge pa hopi aña, pero esaki tabata prome bes cu Aruba a participa den e competencia.
Dos studiante di Aruba a participa den e reto mundial aki y e experiencia acumula entre tur e paisnan grandi di Aruba tabata increibel pa nan. Ta sinti cu Aruba ta avansando den adkisicion di conocemento den e ramo aki.
Pa relato mas amplio lesa TREMPAN.
