Vereniging Rijscholen Aruba keto bay ta organisando nan charlanan den bario. Diaranson mainta a toca un grupo di adulto mayor na Club Caiquetio Paradera. E charla aki tabata organisa hunto cu Grupo Curason Jong Paradera.
E audiencia tabata basta bon cu varios pregunta y reclamo riba dicon no tin un programa di television ainda cu ta informa tur usuario conocemento tocante e leynan cu a cambia. Ley di retonde, peaton, tram y fenomeno nobo di vehiculo electronico pa esaki ta mas duidelijk pa tur hende.
“Mi ta bruha tin biaha riba cua lane mi subi, anto m’a haya esey tabata un bon splicacion awe”, segun Swinda Croes, un di e participantenan a conta nos.
Un otro señora a trece padilanti riba varios cos cu no tabata sa di e leynan di trafico. “Pa kico no ta pone un programa di television cu ta splica kico a cambia. Mi ta haya esey super importante”, segun Miranda Bareño. E ta agrega cu un adulto mayor no kier keda cas, e kier core den su auto y sali den anochi. “Pero e ora ey bo ta haya cu bo ta sinti bo insigur.”
Lesa mas den TREMPAN
