Un grupo di hoben tabata tira klapchi den e area di EPB Hato. Tabata tira entre otro donderbos y pagara. Den e proceso di tiramento di klapchi, un a cay bou di un auto y rementa. Ora e chauffeur a baha pa check un cu e otro, a resulta cu a comete destruccion na un piesa parti abou di e auto.
E grup’i hoben a spanta ora e chauffeur a baha fo’i auto, a ranc’un careda y bandona sitio. E chauffeur a cuminsa busca den e area, pa wak ken lo para responsabel pa e daño. Cerca di e truck di pan na Wema Ponton, a topa cu un di nan. A want’e y yama polis mesora.
E hoben a purba tur manera di move, pero e chauffeur no a permitie. A purba di regla e asunto entre nan dos, a hasta primiti cu e mes lo cubri e gasto. Na yegada di polis, a tuma tur informacion necesario for di ambos partido. E hoben su mayornan tambe a presenta na sitio. Na final e partidonan a logra yega na acuerdo, claro, cu yudansa di polis.
