Manera ta custumber, riba e di dos diamars di september, Aruba ta celebra e apertura di su Aña Parlamentario nobo. Gobernador, den su discurso, a elabora riba diferente tema. Y un di e esakinan tabata e situacion financiero di nos pais.
E situacion financiero di nos pais, sigur ta un di e temanan cu a hala atencion di parlamentario independiente, mr. Gerlien Croes, tabata e echo cu gobernador a elabora riba un di e temanan cu Parlamento di Aruba a bin ta trata for di algun siman caba, cu ainda Gobierno no tin fiha, un posicion pa cual ta e situacion financiero di nos pais.
Gobernador a toca e tema di presupuesto 2024, cu ya a entrega caba y cu ta den su fase, unda cu Parlamento tin e derecho pa haci pregunta riba esaki. Pero tambe e echo cu a presenta e presupuesto basa riba un interes proponi den Rijkswet Aruba Financieel Toezicht (RAft) cual Prome Minister, mr. Evelyn Wever-Croes a bay di acuerdo cu ne, dos aña pasa.
Lo a pensa cu lo tuma hopi mas lihe cu Hulanda, pa loke ta e situacion financiero. Y Gobernador a trece esey dilanti y ta preocupante, pasobra cu no sa kico ta bay pasa.
Croes a sigui bisa cu un otro punto cu ta wak diariamente, ta cu Gobierno ta trece dilanti cu e situacion y desaroyo turistico, economico y financiero ta hopi positivo. Pero si esaki ta bisto den comunidad, unda cu e pueblo ta hiba un miho bida y si e ta traduci den desaroyo positivo p’e pais aki, cu no ta bisto aki na Aruba.
Pa mas lesa TREMPAN.
