For di dia 27 di Februari, te cu dia 15 di Maart 2019, Garage Cordia lo tene su “Toyota Dream Car Art Contest”, cu ta invita muchanan for di tur skina di mundo pa comparti nan idea riba e futuro di mobilidad, pintando e autonan di nan soño.
Cada gran idea a nace cu e briyo di un soño y Toyota ta spera cu e actividad aki yuda fomenta e creatividad di e proximo generacion di gran inventor, pensador y soñadornan.
E concurso aki ta componi pa e Concurso Nacional y e Concurso Mundial. E “Concurso Nacional”, lo tuma luga den cada pais participante for di November 2018, te cu Maart 2019. E ganadonan di e concurso lo participa como representantenan di nan propio pais den e “Concurso Mundial”, cu lo tuma luga na Hapon na Augustus 2019. Desde 2004, Toyota Dream Car Art Contest a realisa como parti di e iniciativanan di contribucion social di Toyota. Den 2018 so, tabata tin por lo menos 650 mil entrada for di 76 pais y region rond mundo.
E concurso aki ta enfoca riba e muchanan cu ta 11 aña of mas jong y kendenan ta biba den un di e paisnan participante.Tin dos categoria, cualnan ta Categoria 1: Bao di 8 aña, esta 7 aña of mas hoben y Categoria 2, esta 8 pa 11 aña. Pa mas destaye y e historia di e competencia aki, subi libremente riba e website global di Toyota: http://www.toyota-global/events/dream_car_art_contest/ of tambe por bay riba e website https://www.toyotaaruba.com/ pa mas informacion.
