Parlamentario di fraccion di AVP drs. Mervin Wyatt-Ras, tabat’ey presente durante e reunion di e comision fiho pa loke ta salubridad, cu a trata e cooperacion entre IMSan y Hospital trata diaranson. Ya diamars caba tabatin reunion cu IMSan riba e mesun topico aki, caminda e parlamentarionan a haya un informacion amplio pa loke t’e cooperacion aki.
Wyatt-Ras a comenta cu durante e presentacionnan aki a discuti e bentaha y desbentaha di un fusion. Por a sinti fo’i director di IMSan cu a bin diferente reaccion di dje riba varios MoU cu ta pending pa aprobacion, caminda cu el a bis cu no ta bay di acuerdo. E ta kere si den un cooperacion intensivo, pero no den un fusion. Un fusion ta algo mas drastico. Lo mester bin un directiva y un director y e por tin su consecuencianan.
Fuera di esey e director a menciona riba e cultura propio y tambe cu e trahadonan ta hopi contento cu e servicio cu nan ta duna. Y awo cu nan tin radioterapia, e pashentnan no mester bay den exterior.
Di un otro banda e director di Hospital a comenta cu nan ta haya cu na IMSan tin diferente servicio duna cu por combina of duna tambe na hospital, pa preveni cu ta haci mas uzo di medio financiero, mirando tambe e situacion financiero cu ta aden y e fusion lo trece bentaha den e sentido di cumpramento di remedi, por haci diferente otro palabracion y ehecucion pa esaki lo ta mas beneficioso p’esaki.
Fraccion di AVP a haci varios pregunta y un di nan ta kico t’e beneficio y mirando cu hospital ta un entidad riba su mes y IMSan ta un Sui Generis, cu tin un otro forma pa maneha, con ta haci e trahamento hunto.
Segun Wyatt-Ras, e calidad di cuido mester salvaguardia y tambe e efectividad tin hopi espacio pa traha hunto pero ta keda n’e partidonan pa haci esaki. N’e momento aki mester toch e minister di salud mester sinta na mesa cu tur partido y mira kico lo ta miho pa Aruba. Di un banda ta bisa corta gasto ta importante, pero di un otro banda mester keda garantisa cu ta dun’e cuido.
Pa un cobertura mas amplio lesa TREMPAN.
