Ta cu inmenso placer cu Fundacion E Solo a haci entrega di e subsidio pa engrandece, drecha y profesionalisa mas ainda e Greenhouse existente aki na SPO.
Alice Van Romondt, como presidente di Fundacion E Solo, funda na 2019 cu e meta pa yuda bringa obesidad, sobrepeso bou di e muchanan di scol basico. Esaki riba iniciativa di Ellen Siero, accionista mayor den Car Color kende tabata sufri di sobrepeso y a logra di baha cu no menos di 45 kilo.
E motivacion di Ellen a pone cu el a dicidi di e ta bay inverti den un Fundacion pa bringa sobrepeso bou hoben. Esaki a wordo realisa cu un programa profesional y exitoso na Hulanda Y Boneiro. E asina yama Cool2beFit cu aki tambe pocopoco pero sigur ta cosechando exito.
Chistal Brown a traha y adapta e programa hunto cu demas profesionalnan di DVG hunto cu Dirk Stoevebelt, d.f.m. Un team di profesional di DVG y algun pa priva riba tereno di come saludabel, movecion, guia pa hoben y nan mayor ta traha cu 10-12 hoben pareu. Pa siña come saludabel a pensa pa haci un fundraising na Hulanda pa lanta un greenhouse caminda e muchanan por mira y practica plantacion di nan mesun berdura y fruta. Y esaki nos a bin topa na SPO Sta Cruz. E fundacion kier yama LVV/Sta Rosa, Nathaly Maduro, danki pe guia y conseho durante nos buskeda pa haya un partner.
E Solo por keda sin gradici cabesante juffrouw Zoraida Godoy pa su interes y entusiasmo, pa e manera cu el a yama e fundacion bonbini na SPO. Ta cu duele ta mir’e bay pa un otro funcion den enseñansa. Partner di e fundacion, Randolph Fingal ta e guia profesional y bou su encargo a cuminsa drecha y reenforsa e Greenhouse existente caba. Aki e lo duna les na e muchanan di Cool2befit y otro nan interesa. Sigur, contento cu haya un maestro asina dedica manera meneer Fingal. Cu e Greenhouse aki, Fundacion E Solo a realisa e di dos pilar di e cuater pilarnan cu e tin como meta. Di tres pilar ta pa logra cu AZV cubri cierto gastonan cu ta bin cu e programa di Cool2beFit cu ta ehercicio, subscripcion riba gym of sportclubnan. Movecion ta esencial, pero no ta tur mayor por paga pa e lesnan.
E di tres pilar ta pa coopera cu organisacionnan cu ta traha cu e mesun meta, esta di bringa sobrepeso y conhuntamente organisa simposio y workshop pa mayor y hoben pa crea mas conscientisacion. Coordinador di e proyecto di E Solo na scolnan ta den man di Miriam Baiz cu tin Amplio experencia den e proyecto Scol Saludabel-Gezonde Scholen.
Por ultimo, Van Romondt a termina yamando juffrouw Godoy un biaha mas, masha danki di curason den bomber di E Solo y ta desee hopi exito den futuro.
Hunto cu Randolph Fingal E Solo ta sigui riba e mesun rumbo di semper, danki di antemano pe bon trabou
Diaranson tabata e inicio di un bunita cooperacion entre SPO Sta Cruz y E Solo.
