Recientemente a tuma luga un charla p’e participantenan cu lo participa den Miss Top of The World. No ta algo nobo, for di hopi tempo caba Fundacion Contra Violencia Relacional ta brinda charla na diferente organisacion. Esaki tabata e caso tambe cu e participantenan pa Miss Top of The World.
Magaly Maduro ta coordinador na e fundacion, el a duna un charla amplio riba con e e fundacion ta opera y kico tur nan tin falta di dje pa por opera miho ainda.
Como sorpresa e participantenan a duna di conoce cu lo organisa un evento pa e clientenan di FCVR. E fundacion mes ta existi ya pa bintiseis aña, di cual ta enfoca nan mes riba cinco punto. Un di e puntonan mas importante cu e fundacion ta mantene su bezig ta: si e cliente mester di sosten despues cu bandona shelter, e pari huridico, ambulante.
