Fundacion Bernadina Growell Kock ta extende palabranan di felicitacion na tur dama, gran dama, dama grandi, dama folklore, damitanan, prendanan y chikitin cultural cu a participa y esunnan eligi pa dirigi e gran parada cultural den Bario di Brazil riba diadomingo awo dia 1 di september.
Masha pabien ta bai pa e siguente personanan/hobennan. Baby Cultural: Lysanne Ras, representando Grupo di Zenovia; Chikitin Cultural: Ivy Anne Bryson, representando Fundacion Bernadina Growell Kock; Prenda Cultural: Elizien Antersyn, representando Fundacion Bernadina Growell Kock; Damita Cultural: Eydilienne Nicolaas, representando: Fundacion Bernadina Growell Kock; Dama Cultural: Genisha Angel, representando Fundacion Bernadina Growell Kock; Gran Dama Dulsura: Antonia Hilario, representando Grupo di baile Danza Aruba; Gran Dama Folklore: Giannine Wester Orman, representando: Fundacion Bernadina Growell Kock; Gran Dama Cultural: Jesselyne Winklaar-Odor, representando: FCCA Fundacion Cas Pa Comunidad Arubano, conhuntamente cu Popcorn Dancers; Dama Grandi Folklore: Lilian Koolman-Besselink, representando Fundacion Bernadina Growell Kock; Dama Grandi Cultural: Ortencia Werleman, representando: Grupo di Baile Dabaruida y Fundacion Rosea Cultural y Pilar Cultural Aruba 2019: Aura Maybelline Arends-Croes.
Fundacion Bernadina ta felicita fundacion Chico Harms y Centro di Bario Brazil pa e tremendo organisacion di e eleccion di dama y damitanan. Pabien alavez na John Freddy Montoya pa decoracion di un bunita stage cu a refleha diferente ingrediente di nos cultura y pa preparacion di tur participante y choreografia. Palabranan di gratitud ta ser dirigi na sra. Lilian Besselink, Dama Grandi Folklore, y su famia cu a sabi di prepara show y train 6 candidata cu a representa Fundacion Bernadina Growell-Kock.
Danki alavez na sra. Lena Orman-Yarzagaray y su querido esposo Jo cu a regla tur cos pa participantenan di nos fundacion. Fundacion kier gradici nos 6 representanan di curazon esta sra. Lilian Koolman-Besselink, sra. Gianine Wester-Orman, juf. Genisha Angel, Edylienne Nicolaas, Elizien Antersyn, tambe Ivy Anne Bryson. Danki-danki-danki. Pabien tambe na FCCA pa nan gran espectaculo durante eleccion y nan bunita y talentoso Gran Dama saliente Jesselyne Winklaar-Odor. Hunto cu FCCA e fundacion lo presenta den parada y ta gradici FCCA, Janelly y Jesselyne pa e confiansa.
Fundacion ta expresa cu dor di participacion como tal nos cultura y folklore ta keda bibo tanto den grandi como den nos hobennan y ta wordo transmiti di generacion pa generacion. E fundacion ta invita tanto vecindario como henter Aruba pa join of bin presencia e bunita parada aki.
