Dia 2 di april ta reconoci como Dia Mundial di Autismo, y riba e mesun dia aki un delegacion di Fundacion Autismo Aruba a biaha pa New York City.
Nan lo participa na un foro internacional titula “Call to Action” na Nacionnan Uni. E fundacion a haya invitacion pa comparti kico t’e retonan cu nan ta mira na Aruba y tambe lo participa hunto cu diferente otro pais cual tambe a ricibi e invitacion aki.
“Sigur riba e parti di acceso na salubridad, cuido medico y social tambe, cual ta contribui n’e bienestar di personanan autista,” Carolina Thiel Span, presidente di Fundacion Autismo a bisa. Tambe e fundacion lo presenta algun piesa di arte pa medio di un di nan artistanan cu ta bayendo New York hunto cu nan den e delegacion, un expo di arte den Nacionnan Uni mes.
E delegacion lo ta haciendo algun otro eventonan na banda na Metropolitan Museum of Arts y Central of All Abilities cual ta un organisacion na New York mes, hunto cu un piesa di moda tambe cu lo presenta.
Lesa mas den TREMPAN.COM
