“All Night Long” ta un mezla di dos cultura di Caribe. E hoben musico firma pa Palms Records, Freddy Richardson, ta hinca tur su vibracion di soca cu ta complementa perfectamente cu e estilo afro-beat di Andres Couper procedente di e costa Colombiano.
E letranan di e cantica ta conta cu ambos cantante ta en busca di e atencion di un chick y cu esaki lo dura “All Night Long” te ora cu un di nan logra gana su atencion. E combinacion sexy y sensual di ritmo creacion di Rafa BM y e productor di Aruba SUCHY tin un ritmo estilo souk y e percussion ta cruza soca y e afro-beat. Combinacion di e ritmonan aki lo duna cualkier persona gan’i baila sin importa na cua parti di mundo nan ta.
Cartagena tabata anfitrion pa e grabacion di e videoclip di “All Night Long”. Unico meta pa cu e proyecto aki tabata pa hinca Freddy Rasta den e area Colombiana p’asina wak te con leu su hitnan di soca ta yega. “All Night Long” ta Rasta su prome video graba pafo di Aruba.
